بأدلكم على وحدة من دورات الاونلاين الي اخذتها اسمها تحضير الدماغ العربي لاكتساب اللغة الإنجليزية لا أخفيكم اني ترددت كثير على ما سجلت.. ما توقعت الدورة ثرية كفاية.. لكن الان اقول الحمدلله الي يسر لي التسجيل فيها.. ما توقعت انه بيجي يوم استمتع وانا أتعلم اللغة الإنجليزية وانا الي كنت اغتم وقت محاضرتها.. درستها مع أ. امجاد بأسلوب قصصي تعليمي ممتع جدا وحبيت الأفعال الي كانت غاثتني غث باقي شوي ونصير أصدقاء المدهش في الموضوع أننا كنا نتعلم لغة انجليزية لكن في نفس الوقت كنا نستفيد من سمات لغتنا الام ودي كل الناس يدرون عنها

أنا كنت اعتبر مستواي متوسط بس الصراحة استفدت من هذي الدورة بشكل كبير خصوصا النطق والاستماع احس تغيرت عندي مسلمات كثيرة .. عرفت معلومات بسيطة لكنها أساسية وجديدة علي و ثبتت عندي المعلومات الي كنت اعرفها من قبل بس ما اعرف استخدمها صح والحمدلله تغير مستواي كثير والكل حولي لاحظ هالشي إذا باتحسف على شي .. باتحسف على سنوات الدراسة اللي ضاعت من عمري وانا أتعلم اللغة بشكل خاطئ جدا وحتى لفظ الحروف كان خطأ.. وفي ٦ أسابيع فقط تعلمت اكثر من اللي تعلمته في سنوات الدراسة بالمختصر استاذة امجاد انتي نعمة من رب العالمين أنا من الناس الي حاولت أتعلم إنجليزي بطرق كثيرة ومن كم سنة بديت أتعلم كلمات جديدة قرات و سمعت قصص شفت أفلام استفدت بس بحدود النص اللي أتعلمه بدون فهم لكن لما دخلت الدورة لقيت الطريق الصحيح لتعلم اي لغة مو بس الأنجليزي الحمدلله الي حطك في طريقي كمرشد

يمكن اكون اصغر مسجلة في الدورة بس احمد واشكر ربي دائما اني عرفتك بداية مشواري ووعيت على أشياء بتقابلني مستقبلي

الدورة كانت مفيدة جدا والاهم ممتعة بعد ما كان الانجلش مادة غثيثة علي صار فيه حب للمادة وشغف للتعلم

صراحة يعجز لساني عن شكرك لما قدمتي لنا أنا معي شهادة دبلوم إنجليزي من Boston امريكا لكن للأسف اعتبرها شهادة من غير علم لان المعهد تم شرح المحتوى بشكل تقليدي ما يتناسب مع لغتي الام وكثرت عندي الاستفهامات وما حصلت احد يجاوبني بشكل مقنع للأسف .. لكن مع دورتك تعلمت واستفدت أشياء كثيرة وما تتخيلين قد ايش اكون مبسوطة لما تشرحي شي أنا سألت عنه كثير وللأسف ما لقيت اجابة مقنعة .. والله انك مثل النور الي طلع في حياتي ونور لي طريقي وحاول استفهاماتي وحبّبني في اللغة اكثر